مالت عليك

مالت عليك....ومالت على الحب فوقك

ومالت على قلبٍ يحبك ويغلــــــيك

مالت على غدر جرى في عروقك

نساك خلٍ كان بالروح يفديـــــك

نساك من هو يرتجي منك شوفك

يحتاج وصلك وإنت زايد تغليك

يحتاج لمسه من حنانـك وذوقك

غير أن قلبك بالهجر كان يغريك

لكن أنا مليت من زود ما أودك

وأنت بحياتي كنت صفحة وأبطويك

مليت انا دايم أوفي حقوقــــــك

وأن حقوق الحب تعلن تحديك

يعل قلبك للمهالك يسوقـــك

ورجلك على درب الندامة توديك

وهمك يغطي كل ذرة بخفوقك

وترجع لي تقول اهواك وأغليك

باقولك مالت عليك وعلى الحب فوقك

ومالت على قلبي إذا رد يشريك