طفلين نتهجى حروف البدايه يازين سواليف الاطفال

عهدي بها من قبل تلبس عبايه

.........................وأنا بعد قبل البس شماغ وعقال!!

طفلين نتهجّى حروف البدايه

.........................الله يا محلا سواليف الاطفال!!

كانت لنا في كل شارع حكايه

.........................وكنّا نقول علوم ماهيب تنقال!!

وكنت اتقاسم مامعاها معايه

.........................من(عسكريم) التوت,للعلك ابوريال!!

وكانت بعكسي شاطره بالقرايه

.........................تقرأ جزء عمّ وطه والانفال!!

وأنا لك الله من مواري غبايه

.........................مدري ابو نقطه هو الذال او دال!!

وكانت لأبويه تشتكي من شقايه

.........................وتعلّمه كيف اربط الباب بحبال !!

ياما على ظهري كسر من عصايه

.........................يقول لي:خلّك وأنا ابوك رجّال!!

وامي تقول: إدع لولدك بالهدايه

.........................خوفي تصيبه كثرة الضرب بهبال!!

لاشفتها مع اول الدرب جايه

.........................مدري أنا اللي ملت ولاّ الوطا مال!!

احسّ قلبي يرتجف في حشايه

.........................ماكنّه الاّ الضيف لاهزّ فنجال!!

ياما عن"السّحلي" تخبّت ورايه

.........................لاخوفوها فيه ثم شافت ظلال !!

تقول:خلّك ياحبيبي معايه

.........................واسّتأنس العب عندها دور الابطال!!

وآغار حتّى من عيون اصدقايه

.........................لاطالعوها قلت: تكفون ياعيال !!

إحسااااس شاعره فديت قلبك وينك ؟؟
من زمان عن ابداعاتك
روعه
تسلم الايادي
كثري من قصائدك اللي احنا دوووم في انتظارها
تحياتي

احم احم اصلن انا اطول غيابي على شان يزيد الشوق

انا على شان تشتاقو لي اكثر واكثر

رح انزل كل شهرين موضوع

اش رايك ابله اماسي ههههههههههههههههههههههههههههه

مشكوره على المرور

احسااااس شااااعره كتب:

احم احم اصلن انا اطول غيابي على شان يزيد الشوق

انا على شان تشتاقو لي اكثر واكثر

رح انزل كل شهرين موضوع

اش رايك ابله اماسي ههههههههههههههههههههههههههههه

مشكوره على المرور

كريمة ما شاء الله

الله لا يحرمنا من كرمك

و العكس صحيح

وزكي يفهمها