• ♥ • شـــهـــر الـــعـــســـل • ♥ •

بسم الله الرحمن الرحيم
السلام عليكم و رحمة الله و بركاته

ازيكم يا احلى بنـــــــــــات و احلى عرايـــــــــــــس
النهاردة ان شاء الله هتكلم عن شهر العـــســــل
و ازاى تحضرى و تظبطى نفسك ليه

اول حاجة لازم تعمليها
هى انك تسجلى كل حاجة عايزة تخديها معاكى او تحضريها
و تبدأى فى تنفذها واحدة و احدة عشان متنسيش حاجة

* قبل السفر بفترة كافية اتأكدى من الحجز فى الفندق اللى هتنزلوا فيه

* استعلمى عن حالة الجو فى البلد اللى هتزوريها
( بارد , حار , معتدل )
و عليه هتحددى نوعية الملابس اللى هتخديها معاكى

* حاولى انك تتعرفى على البلد اللى هتروحيها
الاماكن السياحية فيها
تعرفى على عادات البلد دى و لغتهم عشان يبقى سهل التعامل مع الناس هناك
و دة هيكون سهل جدا سواء من على الانترنت او من الكتيبات السياحية

* لابد تتأكدى ان قسيمة الجواز جاهزة معاكم
عشان ما يحصلش اى مشاكل هناك

* بالنسبة لجواز السفر و التذاكر

من المستحسن انهم يكونوا مع زوجك
عشان لو بعد الشر ضاعوا منك هتبقى حكاااااااااااية
فهو يتحمل مسؤليتهم احسن

و بتوجد حافظات يوضع فيها كل شئ خاص بكدة

* دلوقتى بقى نتكلم عن الشنط
لازم تراعى وزن الشنطة عشان الزائد من الوزن العادى هيكلفك مبلغ اكتر

لو هتضعى فى الشنطة علب او زجاجات فيها سؤال
فمن المفترض انك تضعيها فى اكياس من البلاستيك ( فيها من الملون هيكون اشيك و احسن من الاكياس العادية)
بحيث ان لو حدث اى شئ لا يؤثر على الشنطة و الملابس

و كمان زجاجات العطور

اما المكياج وادواته
فضعيه فى الشنطة الخاص بيه

تـــابـــعـــونـــى

وكمان اوعى تنسى تاخدى معاكى الكاميرا

وطبعا لازم تضعيها فى الحافظة الخاصة بيها

و اما ترجعى ظبطى و نظمى ألبوماتك

قسمى الالبومات حسب الاماكن اللى زورتيها

و حددى تاريخها كمان عشان تبقى ذكرى حلوة ليكى اما تيجى تشوفى الالبوم بعد كدة

ضعى لمستك البسيطة على الالبوم و زيينيه

ضعى له كوفر خارجى بلونك المفضل

ممكن تزيينه باكسسوارات

تـــابـــعـــونـــى

و انتى هناك فى شهر عسلك
اعملى مفاجأة لزوجك
الحاجات اللى تستخدميها لعمل المفاجأة تكونى جيبها معاكى و مجهزاها

اولا... قومى بالاتفاق مع مطعم الفندق اللى هتكونوا فيه
على الاكل اللى زوجك بيفضله
و اطلبى منهم انهم يزيينوا الطاولة بشكل مختلف عن باقى الطاولات
طبعا دة كله من غير ما زوجك يعرف.... اومال هتكون مفاجأة ازاى
عرفيه بس انك عزماه على العشاء الليلة دى
و دى لوحدها هتكون مفاجأة بالنسبة له

تزيين الطاولة طبعا هيكون زى اللى انتى عيزاه

اختيارك للطقم (الاطباق و الكاسات)

و الشموع

و ديكور الطاولة و الاكسسوارات

قبل ما تخرجى من غرفتك
حاولى تأخرى نفسك شوية فى اللبس
و اطلبى من زوجك انه يسبقك و انك هتحصليه على طول
و بسسسسرعة بسسسسسرعة عشان متتأخريش عليه
قومى و زيينى الغرفة على مزاجك
بديكور رومانسى و هادى و ناعم

و ضعى الهدية اللى انتى جيبهاله

و ان شاء الله تكون سهرة سعيدة
و يكون شهر كل سعادة
و تكون حياتكم كلها سعادة فى سعادة

أتمنى يكون الموضوع عاجبكم ان شاء الله

اين اردود

• &#9829; • شـــهـــر الـــعـــســـل • &#9829; •

• ♥ • شـــهـــر الـــعـــســـل • ♥ •