ايه .. انا فوق الجواد وطحت من كبوة جوادي000

من ورا باب الضجيج اللي تسكر عن فؤادي
من قبور العشق ,, وانت وحشة الدرب القديمة


من تحت جلدي ومن دمي وتغريبة سهادي
ينبعث وجهك مع الظلما ودخان الظليمة


جيتي اقسى من زمان الطيش وسيوف المعادي
جيتي ابخل من زمانٍ ما عطى الرجال قيمة


مظلمة

مستسلمة

سهلة

ذليلة

شي عادي

كن قلبك من ذنوبك ممتلي ضعف وهزيمة


تجميعن اللوم في كفك وتذرينه رمادي
في عيون البخت والفنجال وازوال النميمة


وين قلبك يوم كنت ازهم على قلبك وانادي
وين عطفك يوم كنتي تدعين انك رحيمة


طارت الرحمة وغنيتي على رمل التمادي
والعواقب مثل مانتي شايفة صارت وخيمة


كنت اقدم حلمي الوردي وادفي لك برادي
واتخذتي حلمي الوردي لهندامك وليمة


سامح الله يوم كنت اجرح مسا اللون الرمادي
وسامح الله يوم كنت احفظ ملامحك العقيمة


صدقي .. والحب ما هو جرم يطعن فالمبادي
لكن اللي حب مثلك يعتبر حبه جريمة


ايه .. انا فوق الجواد وطحت من كبوة جوادي
وبعت باسبابك جواد وصارت الكبوة يتيمة


ارجعي ما دام دمك ما تخلط بالحيادي
وارحلي ما دامت الغبنة على صدري مقيمة


سكري باب الضجيج اللي نحرتي به فؤادي
ما اقدر استحمل لهب طيشك ودخان الظليمة


واخرجي مني ومن ودمي وتغريبة سهادي
للضياع .. وللتعب .. ولوحشة الدرب القديمة



ــــــــــــــــــــــــــــــــــــــــــــــــــ ــــــــــــــــ

وقفة الم 000


ـــــ *** كثير ناااس للأسف ماتشبع كذب ؟

ــــ ***