طعــــنـــتـيــني

طعنتيني لحـد المـوت بخنجـر غـدرك القاتـل
وتـركتينـي بـلا رحمـه أدور مـن يداوينــي

أشيل خطـاي من جرحك بعيد للأمـل راحـل
أناظر صورتك وأنتي على أقسى من سنيني

أشوفك سيـدة جرحي ولكن هالهـوى جاهـل
وأشوف أن الفرح كم له نسى ذكرى عناويني

ترانيـم الحــزن فيني وجسمـي بالعنـى نـاحـل
ودمعي أحـرق أنفـاسي على الله من يواسيني

غريبه ليش خنتيني وأنا اللي منك ماأستاهـل
غريبـه يـادفى..؟ أمسي حــرام أنـك تجافيني

أنـا.!؟ يــاكـم با لدنيـا كثيـر الشـوق متجاهـل
على شـأنك ومن شـأنك بذات الحــب تكفيني

أبنسى ذكريات الأمس وبنثرها على الساحـل
عسـاي ألقى زمانً فيه قليـل الشـوق يدفينـي

أنا راحـل مع الغربه حقيـقه صـدق أستاهــل
خــلاص اللي مضـى منـك أمانـه لا تنادينـي

أباخذ جرح أحسـاسي وخنجـر غـدرك القاتـل
وأنادي صـوت أهــاتي وأدور مـن يداويني


** ** ** ** ** ** ** ** ** ** ** *