يـا صانـع المكيـاج الله يجازيـك
خليتني مخـدوع فـي شكـل خلـي
الله يحـرق مصنعـك مـع مبانيـك
والمعرض الموجود فـي بيكاديلـي
ادعي عسى تعمى وتنشـل رجليـك
هذا دعائـي دوم لا جيـت اصلـي
خليتني اركض ورا البنـت هاذيـك
واشوفها اجمل غرام ٍ حصـل لـي
قلبـي عشقهـا ياحبيبـي توماتيـك
وان شافهـا قلبـي يرحـب يهلـي
هي رحبت بي وقالـت الله يحييـك
وقالت هلا باللي عشق زين شكلـي
وقالت انا اجمل بنت في اللي حواليك
شف حسني الاخاذ وروجي العسلّـي
3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي
4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي
5.
قالت تبيني افـرك الوجـه تفريـك
واشيل هالبـودر وروجـي وكحلـي
6.
قلت أي نعم قومي عسى الروح تفديك
ابغـي جمالـك هالطبيعـي يهلّـي
قالت دقايق راجعـه لـك واراويـك
ذاك الجمـال اللـي لعينـك يسلّـي
ويوم رجعت لي شربكتني الشرابيـك
وحسيت الارض تدور وانا بمحلـي
الخـد كنـه ياحياتـي سيرامـيـك
والوجه شارع مثل شـارع حولـي
الوجـه كنـه بيـت كلـه شبابيـك
من هالحفر في وجهها اللـي يعلّـي
كله سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللي بـلا مكيـاج خلهـا حواليـك
واللي تحـط مكيـاج خلهـا تولي
اعجبتني وحبيت انقلها لكم
