[[ أسمع ترى الجـوال ماهوب مقطوع ..شغـال له اربع وعشرين ساعه ]]

ياللي وراك ظلوع ومـن دونـك ظلـوع
متمـركـزٍ فالـصّـدر كـنّــك ... وداعـــه

ودّي اناقش مـع سعادتـك .. موضـوع
وابغاك تعطيني فقط " نـص " ساعـه

صار اتصالك في من اسبـوع لاسبـوع
حرّمت وصلك .. وإستبحـت القطاعـه

وتغيّـرت فيـك إنطبـاعـات .. وطـبـوع
وتجـدّدت فـي نظرتـك لــي ... قنـاعـه

عيّشتنـي فــي كــل مـرغـوب ممـنـوع !!
وحرمتنـي مـن كـل .. سمعـاً وطـاعـه

وعلّمتـنـي إن الجـفـا لــه كـــذا نـــوع
وإن الهـجـر بـالــذّات اكـثــر بـشـاعـه ..

اوّل تجـي يمّـي مـن الـشّـوق مـدفـوع
ومَااحلى مـن المشتـاق.. غيـر إندفاعـه

إن غبت عنك تصيح ودموعـك دمـوع
مافيـك للصّبـر الجميـل .. إستطـاعـه

مجنون فيني و " القلم " عنك مرفوع
هـمّـك رضــاي ومجتـهـد .. فإتـبـاعـه

واليوم .. لا حبل الرجى فيـك مقطـوع
مـشـيــت درب الـلّـفـلـفـه والـلّـكـاعــه

واللّـي تسبّـب فـي تغيّـرك .. مجمـوع
عــدم ثـقـه فيـنـي .. وبـــث الإذاعـــه

خل الكلام اللّي من الكذب .. مصنـوع
وإخــذ الـكـلام الـلّـي تــذوق إنتفـاعـه

ماكل هرج يمر " اذانـيـك " مسموع
اربــع اربــاع الـلّــي يـمــرّك إشـاعــه

لو الحكي بفلـوس او شيـك .. مدفـوع
يمديـك ضـامـي لالـكـلام .. وسمـاعـه

ياشينها لاجاتك " همومك " جمـوع
ولاعـاد عنـدك للمـواجـه .. شجـاعـه

وياشينهـا لـو كـان لـك حـق مشـروع
واقربهـم لقلـبـك سـعـى فــي ضيـاعـه

هذا الكلام الليّ مـن القلـب .. مطبـوع
إقـرا كــلام القـلـب وشــوف إنطبـاعـه

وإسمع ترى الجـوّال ماهـوب مقطـوع
شـغّـال لــه أربــع وعشـريـن سـاعــه

صراحه ابداع
مشكوره على الشعر يامبدعه
تقبلي مروري

حتى لو تفصل شغلى 24 ساعة

حتى جوالى مفصوووووووووول ومشغلتو 24 ساع

تعرفين ليش مفصول
مسكين تعب ما خليته
فحاله شكله بتشوفيه اليوم الثاني
واقف فوق السطح يبي ينتحر
ههههههههههههههههههههه